Намрын налгар өдрүүд, найр хуримын улирал эхэллээ. Хурим хийхээр төлөвлөж буй хосууддаа юун түрүүнд баяр хүргэе. Та өөрийн хүслийн хуримаа хэзээ ч харамсахгүйгээр хийхийн тулд зайлшгүй төлөвлөх шаардлагатай зүйлс болон юуг анхаарах хэрэгтэй зэргийг хамтдаа сонирхоцгооё.
1.ҮЗЭГ ЦААС
Та салфетканы өнгөнөөс эхлээд даашинзын загвараа хүртэл бодох хэрэгтэй. Тиймээс аав, ээж, ах, дүү гээд бусдын хүслийг үл харгалзан өөрсдийнхөө мөрөөдөж байгаа хуримаа бич. Энэ хэсэг бол хамгийн чухал шүү.
2. ЗОЧДЫН ТООГ ГАРГАХ
Ойр дотныхоо хүрээнд хиймээр байна уу эсвэл таньдаг бүх хүмүүсээ цуглуулсан нижгэр хурим хиймээр байна уу. Жагсаалт гаргаад урих хүмүүсийнхээ тоог хайрттайгаа хамтарч гаргаарай.
3.ХААНА ХИЙХЭЭ ШИЙДЭХ
Ресторанд, гэрлэх ёслолын ордон, монгол гэрт, гадна талбайн катеринг гэх мэт зочид хаана найрлах газрыг сонгох.
4. ЭНТЕРТАЙНМЕНТ
Зочдын тоогоо гаргачихлаа, хаана хийхээ шийдчихлээ. Харин одоо хуримын урилга, үсчин, нүүр будаг, хөтлөгч, хамтлаг дуучид, рестораны чимэглэл, зурагчин, зураглаач гэх мэт бүгдийг шийдэж захиалгаа баталгаажуулах.
5. ХУРИМЫН ХУВЦАС
Хуримын өдрийн тансаг костюм, үлгэрийн цагаан даашинз. Худалдаж авах уу , прокатлахуу эртхэн шийдэх хэрэгтэй. Цаг нь тулаад ирэхээр эмэгтэйчүүдэд сонголт хийхэд маш хэцүү болдог.
6. ЗАРДАЛ
Зардлын хэсэг дээр сануулж хэлэх нэг зүйл байна. Урьсан зочид руугаа 3 хоногийн өмнө ” Та хуримд минь ирнэ биз дээ?” гэж эелдгээр асуух. Тэгэхгүй бол 200 хүний ширээтэй 80 зочинтой хурим дээр болох вий.
Одоо нийт зардлаа тооцоолоё.
1. Гэрлэх ёслолын ордонд гарах зардал:
Хуримын ёслолын захиалга өгөхдөө
-Гэрлэх ёслолын захиалгыг ёслол хийхээс 2 сарын өмнөөс буюу тухайн сарын 1-ний өдрөөс эхлэн өгнө.
-Хуримын ёслол хийх өдөр цагийг та өөрөө сонгон товлож ирэх ба дарааллын дагуу бүртгүүлнэ.
– Гэрлэлтийн гэрчилгээг харъя сум дүүргийн ЗДТГ-ын иргэний бүртгэлийн хэлтэст, гадаад иргэдтэй гэр бүл болж байгаа бол УБЕГазарт бүртгүүлэн гэрлэлтийн гэрчилгээгээ авч очно.
-Хосууд иргэний үнэмлэх, гадаад иргэн бол гадаад паспортаа авч очно.
Хуримын ёслолын үйлчилгээний төлбөр нь ажлын болон ажлын бус цагаас шалтгаалан 800.000-1.000.000 төгрөг байна. Балжинням, Дашням давхацсан өдөр буюу Намрын дунд сарын шинийн 17, Намрын адаг сарын 3-ны билэгт сайн өдрийн төлбөр 1,300.000-1.500.000 орчим төгрөг байдаг.
2. Ресторанд орох зардал
Заал түрээсийн үнэ
Хуримын меню /1хүний/ 130,000*150=19,500,000/Зарим ресторан сүүн зам ёслол, хуримын бүрэн чимэглэл, аппартур хөгжим, гаднаас юм оруулах гэх мэт урамшууллыг урамшууллыг багтаасан байдаг./
3. Ус, ундаа, жимс, сархад
Ус 1000 * 150= 150,000 /дунджаар/
Ундаа 2500* 150= 375,000 /дунджаар/
Сархад 15 хүнд 6 шил сархад / нэг зочинд 300 грамм/ гэвэл нийт 60 шил сархад болно. 60 шил сархад * 50,000=3,000,000 /дунджаар/
Нэг ширээнд 70.000 төгрөгийн жимс гэвэл 15 ширээнд 1,050,000 /дунджаар/
4. Зурагчин=700,000 /дунджаар/
5. Хамтлаг дуучид= 5,000,000 /дунджаар/
5. Бусад зардал= 4,000,000 /дунджаар/
Нийт зардал=34,775,000 төгрөг / Мэдээж энэ бол ойролцоогоор гаргасан зардал гэдгийг та битгий мартаарай!/
Эх сурвалж: huree.mn
